Dövlət Departamenti: ABŞ Ukraynaya dəstəyini davam etdirəcək

ABŞ Ukraynaya dəstəyini heç vaxt dayandırmayıb və bundan sonra da davam etdirmək niyyətindədir.

"Report" xəbər verir ki, bunu ABŞ Dövlət Departamentinin mətbuat xidmətinin rəhbəri Temmi Bryus keçirdiyi brifinqdə deyib.

O bildirib ki, son fasilə ABŞ hökumətinin yeni yanaşması kimi qəbul edilməməlidir.

"Biz Ukraynanın ən böyük dəstəkçisi olmuşuq və belə də qalacağıq", - deyən Bryus ABŞ Prezidenti Donald Tramp administrasiyasının ukraynalıların ehtiyac duyduqları şeyə sahib olmasına əminliyini izah edib.