Türkiyə, İran və Rusiya xarici işlər nazirlərinin Dohada görüşü olub - YENİLƏNİB

Türkiyə, İran və Rusiya xarici işlər nazirlərinin Dohada görüşü olub.

"Report" xəbər verir ki, bu barədə Türkiyə Xarici İşlər Nazirliyi məlumat yayıb.

Bildirilib ki, Türkiyənin xarici işlər naziri Hakan Fidan 22-ci Doha forumu çərçivəsində Suriyada nizamlanma üzrə Astana formatında keçirilən görüşdə iştirak edib.

Minister of Foreign Affairs @HakanFidan attended the Astana-format meeting at the 22nd Doha Forum, with his Iranian and Russian counterparts. pic.twitter.com/1lA7HIg4XL

— Turkish MFA (@MFATurkiye) December 7, 2024

15:14

Dohada (Qətər) Suriyadakı vəziyyətlə bağlı Astana formatı nazirləri arasında danışıqlar başlayıb.

“Report” xəbər verir ki, bu barədə TASS məlumat yayıb.

Qeyd edək ki, Rusiya, İran və Türkiyə xarici işlər nazirləri arasında Suriyada nizamlanma ilə bağlı Astana formatında görüş keçirilir.

Daha sonra onlara BMT Baş katibinin Suriya üzrə xüsusi nümayəndəsi Geyr Pedersenin də qoşulacağı gözlənilir.

Xatırladaq ki, Suriyada 2011-ci ildən silahlı münaqişə davam edir. Astana formatı kimi tanınan proses 2017-ci ildən aparılır.