Bakı. 18 iyul. REPORT.AZ/ Çinin şərqindəki Şandun əyalətində qaldırıcı kranın aşması nəticəsində 2 nəfər ölüb, 7-si yaralanıb.

"Report" xəbər verir ki, bu barədə Sinxua agentliyi məlumat yayıb.

Agentliyin verdiyi məlumata görə, hadisə şənbə günü Lyaoçen səhərində baş verib. Qaldırıcı kran kimyəvi maddələrin istehsalı üçün tikilən zavodun inşası zamanı aşıb.

Hadisə yerinə gələn xilasedicilər orada doqquz nəfər zərərçəkmişi aşkar edib, onların hamısı yerli xəstəxanalara çatdırılıb. Bir qədər sonra iki nəfərin həlak olduğu məlum olub.

Hal-hazırda qəzanın səbəbləri araşdırılır.