Çində daşqın nəticəsində altı nəfər həlak olub

Çinin cənub-qərbindəki Quyçjou əyalətində güclü daşqınlar nəticəsində altı nəfər həlak olub.

“Report” “Xinhua” agentliyinə istinadən xəbər verir ki, bu barədə daşqınlarla mübarizə qərargahı məlumat yayıb.

Bu, son 50 ildə əyalətdə baş verən ən güclü daşqındır, bir neçə çayda suyun səviyyəsi kəskin şəkildə yüksəlib.

Bir çox ərazilər su altında qalıb, bir neçə kənd və qəsəbədə infrastruktura böyük ziyan dəyib, nəticədə nəqliyyatın hərəkəti çətinləşib, rabitə pozulub.