Çində zəlzələ nəticəsində ölənlərin sayı 126-a çatıb

Çinin cənub-qərbində baş verən zəlzələ nəticəsində ölənlərin sayı 126-ya çatıb.

"Report" xəbər verir ki, bu barədə ölkənin "Sinxua" agentliyi məlumat yayıb.

Təbii fəlakət nəticəsində 188 nəfər xəsarət alıb.

Qeyd edək ki, bundan əvvəl 95 nəfərin öldüyü bildirilirdi. Zəlzələ nəticəsində 3 609 ev dağılıb.

Xatırladaq ki, yanvarın 7-də səhər saatlarında Nepalla sərhədə yaxın olan Tibet Muxtar Vilayətinin Tinqri dairəsində 6,8 bal gücündə zəlzələ baş verib.