Çin ABŞ-ın müdafiə nazirlərinin görüşü təklifini rədd edib

Çin ABŞ-ın iyunun əvvəlində Sinqapurda “Şanqri-La Dialoqu” təhlükəsizlik konfransı çərçivəsində iki ölkənin müdafiə nazirləri: Lloyd Ostinlə Li Şanfunun görüşünün keçirilməsi ilə bağlı təklifini rədd edib.

“Report” xəbər verir ki, bu barədə “Wall Street Journal” (WSJ) Pentaqonun mətbuat xidmətinə istinadən məlumat yayıb.

Beləliklə, Pekin Vaşinqtonu məlumatlandırıb ki, o, Amerikanın iki ölkənin müdafiə nazirlərinin görüşünün keçirilməsi ilə bağlı mayın əvvəlində göndərilən təklifini rədd edir.

Eyni zamanda, Pentaqon bildirib ki, “rəqabətin münaqişəyə çevrilməsinin” qarşısını almaq üçün ABŞ və Çin ordusu arasında rabitə kanallarının açıq saxlanmasını vacib hesab edir.