Çexiyada iki avtobus toqquşub, 60 nəfər xəsarət alıb

Çexiyada iki avtobus toqquşub, 1 nəfər ölüb, 60 nəfər xəsarət alıb.

"Report" xarici KİV-ə istinadən xəbər verir ki, hadisə Çexiyanın cənub-şərqindəki Brno şəhəri yaxınlığında magistral yolda qeydə alınıb.

Həlak olan şəxs avtobuslardan birinin sürücüsüdür. Yaralılardan 13-nün vəziyyəti ağırdır, qalan 47 nəfər isə yüngül və orta dərəcəli xəsarətlər alıb.

Avtobuslardan birində Macarıstandan gələn turistlər olub. İlkin məlumata görə, hadisəyə səbəb avtobus sürücülərindən birinin sükan arxasında infarktdan ölməsi olub.