Cənubi Koreyada leysan 8 nəfərin həyatına son qoyub

Son 80 ilin ən güclü yağışı Koreya Respublikasının paytaxt regionunda 8 nəfərin ölümünə səbəb olub. Daha 6 nəfər itkin düşüb, 9 nəfər xəsarət alıb.

“Report” TASS-a istinadən xəbər verir ki, Seulda yüzlərlə ev və avtomobil, həmçinin bir neçə metro stansiyası su altında qalıb. 230-dək yaşayış evinin tamamilə dağılması nəticəsində 400-dək sakin evsiz qalıb.

Paytaxt regionunda bir saat ərzində 100 mm-dən çox, digər regionlarda isə 141,5 mm-dən çox yağıntı düşüb. Bu, 1942-ci ildən sonra ən yüksək göstəricidir.