Cənubi Koreya Dunay çayında baş verən gəmi qəzası ilə əlaqədar Macarıstana xilasetmə qrupu və diplomatlar göndərmək niyyətindədir.
"Report" xəbər verir ki, bu barədə "Yonhap" agentliyi məlumat verib.
Heyətə 6 diplomat və 12 xilasedici daxil ediləcək. Qrupun göndəriləcəyi tarix tərəflər arasında razılaşdırılır.
Qeyd edək ki, göyərtəsində 33 Cənubi Koreya vətəndaşı və 2 macarıstanlı ekipaj üzvünün olduğu gəzinti gəmisi leysan yağışı şəraitində daha böyük gəmi ilə toqquşaraq batıb. Hadisə nəticəsində 7 nəfər ölüb, 19 nəfər itkin düşüb, 7 nəfər isə xilas edilib.