Cənubi Koreya, ABŞ və Yaponiya birgə təlimlər keçirir

Cənubi Koreya, ABŞ və Yaponiya keçən həftə Şimali Koreyanın kosmik raket buraxmasına cavab olaraq beynəlxalq sularda üçtərəfli raketdən müdafiə təlimləri keçirib.

"Report" xəbər verir ki, "Yonhap" agentliyi məlumat yayıb.

Təlim Cənubi Koreyanın Ceju adasının cənubunda baş tutub.

Cənubi Koreya donanması təlimin Şimali Koreyanın yaxınlaşan nüvə və raket təhdidlərinə cavab olaraq keçirildiyini bildirib. Şimali Koreyanın Seulda raket buraxması BMT Təhlükəsizlik Şurasının KXDR-ə ballistik raket texnologiyasından istifadə edərək hər hansı buraxılışı qadağan edən qətnamələrinin açıq şəkildə pozulması adlandırılıb.

Təlimdə, həmçinin 2023-cü ilin sonuna qədər qüvvəyə minməli olan üçtərəfli raket hücumu xəbərdarlığı sisteminin komponentləri sınaqdan keçirilib.

Bundan əvvəl KXDR rəhbəri Kim Çen In Koreya yarımadası yaxınlığındakı sularda nüvə müharibəsi riskinin yüksək olduğunu bildirib.