CENTCOM: May ayından bəri Hörmüz vasitəsilə 900 milyon barel neft daşınıb

ABŞ Silahlı Qüvvələri cari ilin may ayından etibarən Hörmüz boğazı vasitəsilə 900 milyon bareldən çox neftin nəqli zamanı kommersiya gəmilərinin müşayiətini təmin edib.

"Report" xəbər verir ki, bu barədə ABŞ Silahlı Qüvvələrinin Mərkəzi Komandanlığının (CENTCOM) rəsmi nümayəndəsi Tim Hokins "Al Jazeera" telekanalına müsahibəsində bildirib.

Onun sözlərinə görə, İran Hörmüz boğazına nəzarət etmir, bu su arteriyası vasitəsilə neft tankerlərinin hərəkəti isə dayanmır.

"Uzun müddətdir ki, biz xam neft də daxil olmaqla, müxtəlif yüklərin daşınmasını həyata keçirən kommersiya gəmilərinin keçidinə dəstək göstəririk", - Hokins qeyd edib.