​Hüquq müdafiəçiləri: "Çeçenistanda terrorçuların qohumlarına məxsus altı ev sökülüb"

Bakı. 23 dekabr. REPORT.AZ/ Çeçenistanda terrorçuların qohumlarına məxsus olduğu bildirilən altı yaşayış evi sökülüb.

"Report" "Qovorit Moskva"ya istinadən xəbər verir ki, bu barədə Moskvanın "Memorial" hüquq-müdafiə təşkilatının üzvü Aleksandr Çerkasov məlumat verib.

Onun sözlərinə görə, ən azı iki ev, Rusiya prezidenti Vladimir Putinin ötən həftə keçirdiyi böyük mətbuat konfransından sonra sökülüb.

"Yəni, kollektiv məsuliyyət və kollektiv cəzalandırma praktikası davam edir və prezidentin dediyi nəsihətamiz sözlər burada heç nəyi dəyişmədi", - deyə Çerkasov bildirib.