Cənubi Afrika Respublikasında 2 mindən çox şaxtaçı tətil edir

Cənubi Afrika Respublikasının (CAR) şimalında yerləşən Rustenburq şəhəri yaxınlığındakı platin mədənində 2 mindən çox şaxtaçı tətil edir.

“Report” TASS-a istinadən xəbər verir ki, bu barədə mədənin sahibi olan “Impala Platinum Holdings Limited” şirkətinin rəhbərliyi məlumat verib.

“Şaxtaçıların bir qismi yuxarı qalxmaqdan imtina ediblər”, - şirkətdən bildirilib.

Tətil edən işçilərin sayının 2205 nəfər olduğu qeyd edilib.

Hazırda mədəndə bütün işlər dayandırılıb. Tətildə iştirak etməyən işçilər təxliyə edilib.