​Braziliyada "WhatsApp"dan istifadəyə qadağa qoyulub

Bakı. 17 dekabr. REPORT.AZ/ Braziliyada "WhatsApp"dan istifadə 48 saat müddətində əngəllənəcək.

"Report" "Frans Press"ə istinadən xəbər verir ki, San-Paulu şəhər məhkəməsi bütün ölkə üzrə mobil rabitə operatorlarının üzərinə məşhur mobil messencerə çıxışı bağlamaq öhdəliyi qoyan qərar qəbul edib.

Messencerin əngəllənməsinə dair qərar cinayət istintaqı zamanı qəbul olunub. İşin detalları açıqlanmır.

Məhkəmə qeyd edib ki, "WhatsApp" şirkəti cinayət istintaqı üzrə əməkdaşlığa dair bir neçə dəfə sorğu alıb, lakin onların heç birinə əməl etməyib.