BMT: Qəzza zolağında hərbi əməliyyatlar zamanı 115 körpə ölüb

İsrail ilə HƏMAS hərəkatı arasında müharibə başlayandan bəri Qəzza zolağında 115 körpə ölüb.

"Report" xəbər verir ki, bu barədə BMT-nin Humanitar Məsələlərin Əlaqələndirilməsi İdarəsi məlumat yayıb.

Məlumata görə, ölənlərin hamısı 8 aydan kiçik olub. Onların arasında ölüm zamanı yaşı bir aydan az olan 48 nəfər (42 %) var.

Hesabatda qeyd olunduğu kimi, anklavın Səhiyyə Nazirliyi bundan əvvəl məlumat vermişdi ki, bu il avqustun 1-nə şəxsiyyəti təsdiq edilən və sənədləşdirilən 32,3 min ölən arasında 10,6 min uşaqdır ki, onlardan da 663 nəfəri bir yaşadək olub.