BMT: "Polşada raket partlaması xəbərləri narahatlıq doğurur"

“BMT-nin Baş katibi Antoniu Quterreş Polşa ərazisində raket partlaması xəbərlərindən çox narahatdır. Ukraynada müharibənin qızışmasının qarşısını almaq mütləq vacibdir”.

“Report” xəbər verir ki, bunu BMT Baş katibinin sözçüsü Stefan Düjarrik tviterdə qeyd edib.

“O, həlak olanların ailələrinə başsağlığı verir. O, hərtərəfli araşdırma aparılacağına ümid edir”, - BMT rəsmisi vurğulayıb.