BMT Baş katibi: İsrail və İran arasında münaqişənin genişlənməsinə yol verməməliyik

BMT-nin Baş katibi Antonio Quterreş İsrail və İran arasında münaqişənin genişlənməsinin qarşısının alınmasının vacibliyini bəyan edib.

"Report" xəbər verir ki, o, bu barədə “X” sosial şəbəkəsindəki hesabında paylaşım edib.

Baş katibin sözlərinə görə, bu münaqişə mülki şəxslərin ölümünə və yaralanmasına, evlərin və mülki infrastrukturun dağılmasına, nüvə obyektlərinə hücumlara səbəb olur.

"Bu münaqişənin genişlənməsi heç kimin nəzarət edə bilməyəcəyi bir yanğına səbəb ola bilər. Biz buna yol verə bilmərik", - paylaşımda qeyd edilib.