BMT əməkdaşının İsraildə qalma vizasının müddəti uzadılmayacaq

BMT əməkdaşlarından birinin İsraildə qalmaq üçün vizasının müddəti uzadılmayacaq, başqa bir əməkdaşın isə viza sorğusundan imtina edilir.

“Report” xəbər verir ki, bu barədə İsrailin xarici işlər naziri Eli Koean “X”də yazıb.

O bildirib ki, artıq müvafiq tapşırıq verib: “BMT-nin riyakarlığı qarşısında susmağı dayandırmaq lazımdır. BMT-nin oktyabrın 7-dən bəri sərgilədiyi davranış beynəlxalq ictimaiyyət üçün biabırçılıqdır”.

Nazir qeyd edib ki, HƏMAS-la əməkdaşlıq edənlərlə münasibətlər dayandırılacaq.