Blinken: NATO İordaniyada ofis açacaq

NATO 2025-ci ildə İordaniyada öz əlaqə ofisini açmağı planlaşdırır.

“Report” TASS-a istinadən xəbər verir ki, bunu ABŞ Dövlət katibi Antoni Blinken Brüsseldə keçirdiyi mətbuat konfransında jurnalistlərə bildirib.

"NATO gələn il Əmmanda, regionda ilk dəfə olaraq, NATO ilə Yaxın Şərq ölkələri arasında münasibətləri daha da gücləndirmək üçün əlaqə ofisi açacaq", - diplomat vurğulayıb.

İyul ayında NATO sammitinin yekun bəyannaməsində qeyd olunub ki, alyans Afrika və Yaxın Şərq ölkələrində mövcudluğunu genişləndirməyə davam edəcək. Sənəddə vurğulanıb ki, alyans Əmmanda nümayəndəlik açmağı planlaşdırır və artıq bu qərarı İordaniya rəhbərliyi ilə razılaşdırıb.