Blinken: G7 Yaxın Şərq nizamlanması istiqamətində fəaliyyətini davam etdirəcək

İtaliyanın sədrlik etdiyi “Böyük Yeddilik” (G7) Yaxın Şərqdəki münaqişənin nizamlanması istiqamətində fəaliyyətini davam etdirəcək.

"Report" xəbər verir ki, bunu ABŞ Dövlət katibi Antoni Blinken videomüraciətində deyib.

"Biz İtaliyanın G7-yə sədrliyi ilə konkret öhdəlikləri özündə əks etdirən bir gündəm üzərində işləyəcəyik. Biz Yaxın Şərqdəki münaqişənin həlli üçün işləməyə davam edəcəyik", - Blinken bildirib.

O, həmçinin bildirib ki, G7 Ukraynanın hərbi, iqtisadi və demokratik cəhətdən ayağa qalxması üçün Kiyevi dəstəkləməyə davam edəcək.