Bakı. 24 oktyabr. REPORT.AZ/ ABŞ-ın keçmiş Prezidenti Bill Klinton və həyat yoldaşı, sabiq dövlət katibi Hillari Klintonun yaşadığı evə içində partlayıcı olan bağlama göndərilib.
“Report” “Hürriyət”ə istinadən xəbər verir ki, bu, oktyabrın 22-də amerikalı məşhur milyarder Corc Sorosa göndərilən bağlamanın oxşarı olub.
Hüquq-mühafizə orqanları hadisə ilə bağlı araşdırma aparır.
Qeyd edək ki, Corc Sorosun Nyu-Yorkdakı evinin yaxınlığında partlayıcı aşkar edilmişdi.