Belçikada bir sutkada 260-dan çox ölüm faktı qeydə alınıb

Belçikada son sutkada koronavirusdan 262 ölüm hadisəsi qeydə alınıb.

“Report” “RİA Novosti”yə istinadən xəbər verir ki, məlumatı krallığın Səhiyyə Nazirliyinin Böhran qərargahı yayıb.

Bildirilib ki, Belçika üzrə virusdan ölənlərin sayı 4 157-yə çatıb.

Məlumata görə, son sutkada koronavirusa 530 nəfər yoluxub. Bununla da COVID-19 diqanozu təsdiqlənənlərin sayı 31 119-a çatıb.

Qeyd edək ki, mayın 3-dək krallıq ərazisində sosial təcrid tədbiri tətbiq olunur. Bildirilib ki, son günlər hospitala yerləşdirilənlərin sayı azalır, daha çox insan sağalaraq xəstəxananı tərk edir.