Belçika türkiyəli 12 imamın ölkəyə girişini qadağan edib

Bakı. 15 mart. REPORT.AZ/ Xarici vətəndaşların hüquqları üzrə Belçika Şurası sığınacaq verilməsi və miqrasiya siyasəti üzrə dövlət katibi Teo Frankenin türkiyəli imamlara uzunmüddətli viza verilməsinin qadağan edilməsi ilə bağlı qərarını dəstəkləyib.

Bu barədə "Report" TASS-a istinadən xəbər verir.

"Derniere Heure" qəzetinin yazdığına görə, bu ilin əvvəlindən Türkiyədən olan 12 din adamına ölkəyə giriş qadağası tətbiq edilib, onlardan 10-u Belçika hökumətinin bu qərarına etiraz etmək niyyəti ilə məhkəməyə müraciət edib.