Bayden Konqresə aralıq seçkilərdə erkən səs verib

ABŞ Prezidenti Cozef Bayden şənbə günü Konqresə aralıq seçkilərdə erkən səs verib.

"Report" xəbər verir ki, bu barədə Ağ Evin mətbuat xidməti məlumat yayıb.

Dövlət başçısı Delaver ştatının Uilminqton şəhərindəki seçki məntəqəsinə seçkilərdə ilk dəfə səs verən 18 yaşlı nəvəsi Natali ilə gəlib.

Qeyd edək ki, Konqresə aralıq seçkilər noyabrın 8-də keçiriləcək. Prosesdə Nümayəndələr Palatasının 435 üzvünün hamısı və senatorların üçdə biri seçiləcək.

Respublikaçıların qanunverici orqanın hər iki palatasında təmsilçiliyini artıracağı proqnozlaşdırılır ki, bu da onlara demokrat Prezidentin təkliflərinin həyata keçirilməsinə mane olmaq imkanı verəcək.