Barak Obama "Zika" virusu ilə mübarizəyə həsr olunmuş görüş keçirib

Bakı. 27 yanvar. REPORT.AZ/ ABŞ prezidenti Barak Obama səhiyyə sisteminin nümayəndələri ilə "Zika" virusu ilə mübarizə mövzusuna həsr olunmuş görüş keçirib.

"Report"un "TASS" agentliyinə istinadən verdiyi xəbərə görə, ABŞ-ın səhiyyə naziri Silviya Metyuzun da iştirak etdiyi görüşdə "Zika" virusunun ABŞ-da yayılmasına qarşı tədbirlər planı müzakirə olunub.

Ağ Evin başçısı "Zika" virusuna qarşı vaksinin hazırlanması prosesinin sürətləndirilməsinə dair tapşırıq verib. 

Qeyd edək ki, Virciniya ştatında təhlükəli virusa ilk yoluxma faktı qeydə alınıb.

"Zika" virusu Braziliyadan yayılmağa başlayıb. Bu günə kimi dörd minə yaxın körpə "mikrosefaliya" və ya qeyri-adi kiçik başla doğulub.