Banqladeşdə məmurun ölümünə görə onlarla insan ölüm cəzasına məhkum edilib

Bakı. 14 mart. REPORT.AZ/ Banqladeşdə məhkəmə 39 nəfəri ölüm cəzasına məhkum edib.

"Report" xəbər verir ki, bu barədə "AFP" məlumat yayıb.

Məlumata görə, onlar 2014-cü ildə hakim partiyanın üzvünün öldürülməsində müqəssir bilinirlər. Söhbət Ekramul Hakın öldürülməsindən gedir. Qəzəbli kütlə onu avtomobildən çıxararaq döyüb və dəhrə ilə ağır xəsarətlər yetirib. Bundan sonra onu yenidən avtomobilə qoyaraq maşını yandırıblar.

Məhkəmənin hökmünə əsasən onlardan 39-u asılacaq. Hakim daha 16 nəfərə bəraət verib.