Avstraliyada təyyarə qəzası baş verib, ölənlər var

Avstraliya qitəsinin şərqində yüngül mühərrikli təyyarə qəzaya uğrayıb.

“Report” xəbər verir ki, bu barədə Yeni Cənubi Uels ştatının polisi məlumat yayıb.

Qeyd olunub ki, təyyarə yerli vaxtla saat 08:50-də (Bakı vaxtı ilə 01:50) Brisbendən 350 km cənub-qərbdə yerləşən Lilydale ərazisində elektrik xətti ilə toqquşub.

Hadisə yerində polis əməkdaşları, o cümlədən təcili tibbi yardım briqadaları cəlb edilib. Təyyarənin göyərtəsində olan iki nəfərin həlak olduğu güman edilir.