Avstraliyada səkkiz uşaq cəsədi tapılıb

Bakı. 19 dekabr. REPORT.AZ/ Avstraliyanın Kerns şəhərindəki (Kvinslend ştatı) yaşayış evlərindən birində səkkiz uşağın meyiti tapılıb. Onların bacı-qardaş olduğu bildirilir.

"Report" xəbər verir ki, uşaqların hamısı bıçaqla qətlə yetirilib.

Qətlin qurbanları 1,5-15 yaşlarında uşaqlar olub. Bundan əlavə, xəstəxanaya bıçaq xəsarətləri alan 34 yaşlı qadın gətirilib. Sözügedən qadının uşaqların nəyi olduğu hələ müəyyən edilməyib.

Hazırda hadisə yerində onlarla polis əməkdaşı var.