Şarl Mişel Brüssel sammitinin mövzularını açıqlayıb

Brüsseldə dekabrın 16-da keçiriləcək Avropa İttifaqı (Aİ) sammitində koronavirusla mübarizə, enerji qiymətləri, Aİ-NATO əməkdaşlığı, o cümlədən Rusiya və Ukrayna sərhədindəki vəziyyət müzakirə olunacaq.

"Report" "RİA Novosti"yə istinadən xəbər verir ki, bu barədə Avropa İttifaqı Şurasının Prezidenti Şarl Mişel Avropa liderlərinə dəvət məktubunda yazıb.

Aİ-nin sammiti dekabrın 16-da Brüsseldə tam ştat formatında keçiriləcək. Bundan əvvəl dekabrın 15-də Aİ-Şərq Tərəfdaşlığı sammiti baş tutacaq.