Yuxarı

​Avropa komissarı: "Şotlandiya müstəqillik qazanaraq Aİ-yə üzv ola bilər"

Ola bilsin ki, Şotlandiya Avropa İttifaqının 28-ci ölkəsi olsun

Bakı. 25 iyun. REPORT.AZ/ Şotlandiya təkrar referendum keçirərək Böyük Britaniyanın tərkibindən çıxmağın lehinə səs verərsə, Avropa İttifaqının 28-ci ölkəsi ola bilər.

"Report" xəbər verir ki, bu fikri rəqəmsal iqtisadiyyat və cəmiyyət üzrə Avropa komissarı Günter Ettinger cümə günü "Euronews" telekanalına müsahibəsində deyib.

"Əgər Şotlandiya keçirilməsi ehtimal edilən referendumun yekununa görə müstəqil ölkə olarsa və quruma daxil olmağa əsas verən Avropa baza sazişlərindəki şərtləri yerinə yetirərsə, o zaman niyə də olmasın", - deyə Ettinger bildirib.

"Ola bilsin ki, Şotlandiya Avropa İttifaqının 28-ci ölkəsi olsun", - deyə o əlavə edib.

Cümə axşamı Böyük Britaniyada baş tutan referendumda Avrointeqrasiyanın əleyhdarları qalib gəliblər. Britaniyalıların 51,9%-i Birləşmiş Krallığın Avropa İttifaqından çıxmasına səs veriblər, bunun əleyhinə isə 48,1% çıxıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi