Avropa İttifaqı koronavirusla bağlı tədqiqatlar üçün vəsait ayırıb

Avropa Komissiyası koronavirusla (2019-nCoV) bağlı “Horizon 2020” tədqiqat proqramına 10 milyon avro ayırıb.

“Report” RT-yə istinadən xəbər verir ki, bu barədə Avropa Komissiyasının innovasiya, tədqiqatlar, mədəniyyət, təhsil və gənclər komissarı Mariya Qabriel məlumat verib.

“Biz Avropa İttifaqında koronavirusun daha geniş yayılmasına qarşı, fəsadlarını azaltmaq üçün çalışırıq. “Horizon 2020” təcili tədqiqatlar proqramına maliyyə ayırmaqla bu xəstəlik haqqında daha çox şey biləcəyik”, - komissar deyib.

Bundan əvvəl Ümumdünya Səhiyyə Təşkilatı Çində koronavirusun yayılmasını beynəlxalq dərəcəli fövqəladə hadisə olaraq dəyərləndirib.