Yuxarı

Atatürk Hava Limanındakı terrorda şübhəli bilinən 17 nəfərin istintaqı yekunlaşıb

Şübhəlilər Bakırköy rayon ədliyyəsinə aparılıb

Bakı. 4 iyul. REPORT.AZ/ İstanbulun Atatürk Hava Limanındakı terror aktı ilə əlaqədar şübhəli bilinən 11-i əcnəbi olmaqla 17 nəfərin istintaq işi yekunlaşıb.

“Report”un Türkiyə KİV-inə istinadən verdiyi xəbərə görə, iyulun 1-2-də İstanbul Şəhər Polis İdarəsinin Terrorizmlə mübarizə şöbəsinin əməkdaşları tərəfindən saxlanılan şübhəlilər Bakırköy rayon ədliyyəsinə aparılıb.

Xatırladaq ki, iyunun 28-də Atatürk hava limanında 3 terrorçu-kamikadze terror aktları törədib. Üç partlayış nəticəsində 47 nəfər dünyasını dəyişib, 250-yə yaxın insan xəsarət alıb və ya zərər çəkib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi