Amsterdamda etiraz aksiyası zamanı 150-dən çox insan saxlanılıb - YENİLƏNİB

Amsterdamda koronavirus üzrə məhdudlaşdırıcı tədbirlərə qarşı icazə olunmamış aksiya zamanı 150-dən çox insan saxlanılıb.

“Report” “RİA Novosti”yə istinadən xəbər verir ki, bu barədə polisin məlumatında bildirilir.

Bazar günü Amsterdamda "Muzey" meydanında COVID-19 üzrə məhdudlaşdırıcı tədbirlərə qarşı icazə olunmamış etiraz aksiyası keçirilib. Aksiya “Azadlıq uğrunda kofe içmək” tələbi ilə keçirilib. Etirazçılar bununla toplaşmaq azadlığının təmin olunmasını tələb ediblər.

Aksiyada 300-ə yaxın insan iştirak edib. Polis etirazçıları dağıtmaq üçün su şırnaqlarını tətbiq edib. Aksiya zamanı 150 nəfər saxlanılıb. Onlar ictimai asayişin pozulmasında ittiham edilirlər.

Amsterdamda polis koronavirus üzrə məhdudlaşdırıcı tədbirlərə qarşı icazə olunmamış nümayişin dağıdılması üçün su şırnağını tətbiq edib.

“Report” xəbər verir ki, bu barədə Niderlandın NOS yayım korporasiyası bildirib.

Amsterdamda Muzey meydanında COVID-19 üzrə məhdudlaşdırıcı tədbirlərə qarşı icazə olunmamış etiraz aksiyası keçirilib. Aksiyada yüzlərlə insan iştirak edib. Polis aksiyaçıları dağıtmaq üçün su şırnaqlarını tətbiq edib. Aksiya zamanı 58 nəfər saxlanılıb.