Almaniyada sutka ərzində 18 mindən çox COVID-19 xəstəsi aşkar edilib

Almaniyada sutka ərzində 18 935 nəfərdə COVID-19 xəstəliyi aşkar edilib, 232 nəfər bu xəstəlikdən ölüb.

"Report" “RİA Novosti"yə istinadən xəbər verir ki, bu barədə Almaniyanın Səhiyyə Nazirliyinin tərkib hissəsi olan Robert Kox İnstitutu məlumat yayıb.

Dünən sutka ərzində yoluxanların sayı 24 329, ölənlərin sayı isə 306 nəfər olub.

İnstitutun məlumatına görə, epidemiyanın başlanğıcından bəri Almaniyada ümumilikdə 3 400 532 nəfər koronavirusa yoluxub, 83 082 xəstə ölüb. Ümumilikdə, təxminən 3 milyon insan bu xəstəlikdən sağalıb.