Bakı. 6 dekabr. REPORT.AZ/ Almaniyanın Bavariya əyalətində Avstriya ilə sərhəddə 15 dekabrdan başlayaraq 24 saat fasiləsiz sərhəd yoxlamaları başlayacaq. “Report” “Anadolu agentliyinə istinadən xəbər verir ki, bu barədə daxili işlər naziri Yoaxim Herrman bəyanat verib.
Herrman sərhəd yoxlamalarına yüz polis nəfərinin cəlb olunacağını söyləyib.
Nazir yoxlamaların köç böhranı ilə əlaqədar olduğunu və bunun ölkəsinin təhlükəsizliyi baxımından həyata keçirildiyini bildirib.
Onun sözlərinə görə, ümumilikdə qaçqın axının terror təhlükəsi yaratdığı səbəbilə yoxıamalar sərtləşəcək.