Avropa Komissiyasının rəhbəri Qəzzada gərginliyin artmasında ittiham edilib

İrlandiyalı deputat Kler Deyli Avropa Komissiyasının (AK) rəhbəri Ursula fon der Lyayeni Qəzza zolağında eskalasiyanın artmasında ittiham edib.

“Report” xəbər verir ki, bu barədə o, “X” sosial şəbəkəsindəki hesabında yazıb.

Onun sözlərinə görə, bir vətəndaşın belə, səsi olmadan hakimiyyətə gələn Ursula fon der Lyayen son iki ay ərzində parlaq demokratiya adlandırdığı, lakin uşaqları məhv edən qəddar aparteid rejimini dəstəkləmək üçün seçilmiş hökumətlərin xarici siyasətini dəyişməklə məşğuldur:

“Ursula fon der Lyayen kimi “demokratiya müdafiəçiləri”nə yalnız bunu söyləmək olar: “Yox, “təşəkkür edirəm” frau Soyqırımı”. Düşünürəm ki, bununla bir çox Avropa ölkələrinin vətəndaşlarının fikirlərini bölüşürəm”.