Aİ Türkiyə vətəndaşlarına Şengen vizasının verilməsi qaydalarını sadələşdirir

Avropa İttifaqı (Aİ) Türkiyə vətəndaşlarının açıq Şengen zonasından istifadə qaydalarını yumşaldıb.

“Report”un məlumatına görə, bunu Aİ-nin səfiri Tomas Hans Ossovski Ankarada bildirib.

O, vizasız rejimlə bağlı danışıqların tezliklə bərpa olunmasına çağırıb.

"Əvvəllər vizalardan düzgün istifadə etmiş Türkiyə vətəndaşları ikinci müraciətdə etibarlılıq müddəti altı ay, daha sonra isə bir il, üç il və beş il olan çoxdəfəli vizalar ala biləcəklər" - səfir bildirib.

Ossovski Türkiyə üçün Şengen məkanında və Aİ-də vizasız rejimin tətbiqi prosesinin təcili olaraq bərpasına çağırıb.

Onun sözlərinə görə, Avropa Komissiyası yaydan sonra rəsmi danışıqları bərpa etməyə hazırdır.