Aİ Məhkəməsi Mari Le Peni atasının qanunsuz xərclədiyi 303 min avronun qaytarılmasına məcbur edib

Avropa Məhkəməsi Mari Le Pen və ailəsinin Avropa Parlamentinə qarşı iddiasını rədd edib.

“Report”un Avropa bürosunun məlumatına görə, bu gün oxunan Aİ Məhkəməsinin qərarında həmçinin Mari Le Penin atasının varislərinin məhkəmə xərclərini də ödəməsi tapşırılıb.

Avropa Məhkəməsi Avropa Parlamentinin Marin Le Penin atası və Fransanın ifrat sağçı hərəkatının görkəmli xadimi olan mərhum Jan-Mari Le Penin varislərindən 303,200,99 avro məbləğində vəsaitin tutulması tələbini yerinə yetirməyə göstəriş verib.

Avropa Parlamenti iddia edir ki, 35 il deputat işləmiş Le Pen parlament xərcləri üçün nəzərdə tutulmuş vəsaitləri şəxsi ehtiyacları üçün istifadə edib. Bu da büdcə ilə bağlı qaydaların pozulmasıdır.