ABŞ son bir gündə Kabildən iki min nəfəri təxliyə edib

“Son 24 saat ərzində ABŞ əsgərləri Əfqanıstanın paytaxtı Kabildən təxminən 2000 nəfəri təxliyə edib”.

“Report” xəbər verir ki, bunu ABŞ Dövlət katibinin birinci müavini Vendi Şerman Dövlət Departamentində keçirdiyi brifinqdə deyib.

“Son bir neçə gün ərzində Kabildəki Amerika diplomatları Əfqanıstandan təxliyə edilmək istəyən 5 minə yaxın müraciətə baxıblar. Eyni zamanda, Birləşmiş Ştatlar “Taliban”dan bütün Amerika vətəndaşlarına, üçüncü ölkə vətəndaşlarına və ölkəni tərk etmək istəyən bütün əfqanlara təhlükəsiz və cəzasız icazə vermələrini gözləyir” - o qeyd edib.