ABŞ: "Şimali Koreyaya qarşı yeni sanksiyalar tətbiq edilə bilər"

Bakı. 9 fevral. REPORT.AZ/ "Şimali Koreyaya qarşı yeni sanksiyalar tətbiq oluna bilər". "Report"-un "Gazeta.Ru"-ya istinadən verdiyi xəbərə görə, bunu Ağ Evin mətbuat katibi Con Ernest bildirib.

Onun sözlərinə görə, Şimali Koreya iqdisadiyyatı artıq çox zəifdir, əhali isə ölkənin təcrid olunmuş vəziyyətdə qalmasından əziyyət çəkir. "Şimali Koreyaya təsirli cavab verilməlidir" - deyə C.Ernest vurğulayıb.

Xatırladaq ki, ötən həftə Şimali Koreya uzaq mənzilli raketin sınağını keçirib. Bu sınaq dünya miqyasında ciddi narahatlığa səbəb olub.