Bakı. 16 fevral. REPORT.AZ/ ABŞ Senatı immiqrasiya haqqında 4 qanun layihəsini rədd edib.
"Report" "Reuters" agentliyinə istinadən xəbər verir ki, layihələrin heç birinə lazım olan 60 səs verilməyib.
Nəzərdən keçirilən variantlar arasında ABŞ Prezidenti Donald Tramp tərəfindən təklif olunan qanun layihəsi, eləcə də Respublikaçılar və Demokratlar partiyalarının birgə hazırladığı layihə olub.
Dörd layihənin uğursuzluğundan sonra Ağ ev immiqrasiya islahatları ilə bağlı müzakirələrin ABŞ-ın Nümayəndələr Palatasında keçirilməsini təklif edib.