ABŞ Prezidenti Çin Sədrinə Rusiyaya dəstəklə bağlı xəbərdarlıq edib

ABŞ Prezidenti Cozef Baydenlə Çin Xalq Respublikasının Sədri Si Cinpin arasında videoformatda danışıq olub.

“Report”un məlumatına görə, bu barədə Ağ Ev məlumat yayıb.

Qeyd edilir ki, Bayden həmkarını Rusiyaya dəstək verəcəyi təqdirdə bunun mümkün fəsadları barədə xəbərdarlıq edib.

Baydenlə Si Cinpinlə söhbətdə ABŞ və ÇXR arasında rəqabəti tənzimləmək üçün açıq kommunikasiya xətlərini saxlanılmasının əhəmiyyəti haqqında razılaşıblar.

“Prezident Bayden bu gün Çin Xalq Respublikasının sədri Si Cinpinlə Rusiyanın Ukraynaya səbəbsiz işğalı barədə danışıb”, - Ağ Evdən vurğulanıb.