ABŞ müdafiə naziri əvvəlcədən elan etmədən İraqa səfər edib

Bakı. 9 dekabr. REPORT.AZ/ ABŞ müdafiə naziri Çak Xeyqel İraqa səfər edib. Səfər barəsində informasiya təhlükəsizlik baxımından əvvəlcədən açıqlanmayıb. Bu barədə "Report" Sky News Arabia telekanalına istinadən xəbər verir. 

Dekabr ayının 8-də Ç.Xeyqel Küveytə səfər edib. ABŞ prezidenti Barak Obama bu yaxınlarda onun istefaya gedəcəyi haqqında məlumat verib. 

Küveytə səfəri zaman "İslam Dövləti" qruplaşması ilə mübarizə üzrə beynəlxalq koalisiyanın təhlükəsizlik qüvvələrinin hazırlanması üçün İraqa 1,5 min hərbçinin göndərilməsi haqqında elan olunub.