ABŞ-ın Suriyadakı bazası raket atəşinə tutulub

ABŞ-ın Suriyanın şimal-şərqindəki Əl-Haseke vilayətinin Əş-Şəddadi şəhərindəki neft yataqlarında yerləşən bazası raket atəşinə tutulub.

Bu barədə “Report” xarici mətbuata istinadən xəbər verir.

Məlumata görə, baza dörd raketlə atəşə tutulub.

Mərmilərin ABŞ hərbçilərinin baza kimi tutduğu Əl-Cəbsədə evlərin ərazisinə düşdüyü bildirilir. Hücum zamanı həlak olanlar və ya yaralananların olub-olmaması, mümkün dağıntılar barədə məlumat verilmir.