Yuxarı

ABŞ-ın Filadelfiya şəhərində atışma səbəbindən 4 məktəb bağlanıb

Atışma Brod-strit və Olni-avenyu küçələrinin kəsişməsində baş verib

Bakı. 8 noyabr. REPORT.AZ/ ABŞ-ın Pensilvaniya ştatının Filadelfiya şəhərində yerli küçələrdən birində atışma səbəbindən 4 məktəb müvəqqəti olaraq bağlanıb.

"Report" xəbər verir ki, bu barədə "ABC 6" telekanalı məlumat yayıb.

Məlumatda bildirilir ki, atışma Brod-strit və Olni-avenyu küçələrinin kəsişməsində baş verib. 42 yaşlı kişi ayağından odlu silah yarası alıb və yaralı vəziyyətdə özünü xəstəxanaya çatdıra bilib. Orada onun vəziyyəti stabil qiymətləndirilib.

Kanal xəbər verir ki, faktla bağlı heç kim saxlanılmayıb. Hadisənin digər təfərrüatları barədə məlumat verilmir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi