ABŞ Hərbi Hava Qüvvələri Somalidə 13 silahlını məhv edib

ABŞ-ın Afrika Komandanlığı Somali hökumətinin müraciəti ilə ölkənin cənubunda “Aş-Şabab” terror qruplaşmasının yerləşdiyi ərazilərə hava zərbəsi endirməsinə icazə verib.

"Report" TASS-a istinadən xəbər verir ki, bu barədə məlumat ABŞ-ın Afrika Komandanlığının rəsmi saytında yerləşdirilib.

Məlumata görə, əməliyyat nəticəsində 13 yaraqlı məhv edilib.

"Zərbə avqustun 26-da Kismayo şəhərindən 45 km şimal-qərbdə, Somali qüvvələrinə dəstək məqsədilə həyata keçirilib", - komandanlığın məlumatında deyilir. Mülki əhali arasında zərərçəkən yoxdur.

“Aş-Şabab” qruplaşması 2004-cü ildə Somalidə yaranıb. Onun 10 minə qədər yaraqlısı var.