ABŞ haitilı 240 miqrantı daşıyan qayığı saxlayıb

ABŞ-nin aidiyyəti qurumları Haitidən gəldiyi və 240 qanunsuz miqrantı daşıdığı güman edilən qayığı saxlayıb.

"Report"un məlumatına görə, bu barədə ABŞ-nin Gömrük və Sərhəd Nəzarəti Xidmətinin rəhbəri Rodni Skott bildirib.

Onun sözlərinə görə, gəmi hava müşahidəsi zamanı aşkarlanıb. Gəmidəki miqrantlar dəniz yolu ilə ABŞ-yə qanunsuz keçməyə çalışıblar.

R.Skott qeyd edib ki, həddindən artıq dolu qayıq suya qərq olub və batmaq təhlükəsi ilə üzləşib. O, qanunsuz miqrasiya cəhdlərinin son dərəcə təhlükəli olduğunu və ölkəyə uğurlu girişi təmin etmədiyini vurğulayıb.