ABŞ dövlət katibi Moskvaya səfər edəcək

Bakı. 19 mart. REPORT.AZ/ ABŞ dövlət katibi Con Kerri Moskvaya səfər edəcək. "Report" Rusiya XİN-ə istinadən xəbər verir ki, səfər martın 23-24-də reallaşacaq.

Səfər çərçivəsində C.Kerri Rusiya xarici işlər naziri Sergey Lavrovla danışıqlar aparacaq.

"İşgüzar səfər zamanı C.Kerri və S.Lavrovun ikitərəfli əməkdaşlıq və aktual beynəlxalq problemlər ətrafında fikir mübadiləsi aparacağı gözlənilir", - deyə XİN-in yaydığı bəyanatda qeyd olunub.