ABŞ-də məktəbdə atışma olub, ölən və yaralılar var

ABŞ-də Kaliforniya ştatının Palermo şəhəri yaxınlığındakı məktəbdə baş verən atışmada iki şagird güllələnib.

“Report” xəbər verir ki, bu barədə NBC polisə istinadən məlumat yayıb.

Hadisə dekabrın 4-də yerli vaxtla saat 13:00 radələrində baş verib. Polis bildirib ki, məktəblilərə atəş açan şəxs intihar edib.

Yaralı iki şagird isə xəstəxanaya aparılıb. Onların sağlamlıq vəziyyəti, eləcə də yaşları açıqlanmır.

Polis araşdırmalarını davam etdirir. Hadisəni törədənin kimliyi, eləcə də onun motivləri barədə məlumat verilmir.