ABŞ-də hərbi bazada atışma olub, ölənlər var

ABŞ-nin Corciya ştatındakı Fort-Stüart hərbi bazasında naməlum şəxs atəş açıb, hərbi obyekt qismən bağlanıb.

“Report” xəbər verir ki, bu barədə “Associated Press” (AP) məlumat yayıb.

Agentlik polkovnik-leytenant Anxel Tomkodan sitat gətirib: “Hazırda vəziyyəti qiymətləndiririk, lakin atəşlə bağlı məlumatı təsdiqləyə bilərik”.

Türkiyənin “Haber Global” telekanalı bildirib ki, hadisə nəticəsində 5 nəfər ölüb.

Qeyd edək ki, Fort-Stüart Amerikanın böyük bazalarından biridir, orada bir neçə min əsgər yerləşdirilib.